Түркістан облысы, Келес ауданында орналасқан «Экокультура Евразия» жылыжай кешенінде өсірілген қызанақ алғашқы рет Қазақстан нарығына жеткізілуде. Жоба жоспарға сәйкес кезең-кезеңімен жүзеге асырылып, елдің азық-түлік қауіпсіздігін нығайтуға және импортқа тәуелділікті азайтуға бағытталған.

Жобаның негізгі көрсеткіштері:

Инвестиция көлемі: 42 млрд теңге

Қаржыландыру: Қазақстанның Даму банкі АҚ; 2023 жылы 23,5 млрд теңге бөлінді

Жылдық өнім: 25 000 тонна қызанақ

Жұмыс орындары: қазіргі таңда 150 адам, толық іске қосылған соң 800 жаңа жұмыс орнына дейін ұлғаяды

Орташа ресми жалақы: 320 000-350 000 теңге

Жылыжай кешені 40 гектар аумақта орналасқан және Нидерландтан әкелінген заманауи жабдықтармен жабдықталған. Қазіргі уақытта 8 жылыжай блогының 4-уі іске қосылды. Құрылыс-монтаж жұмыстары жалғасуда: әкімшілік-тұрмыстық кешен, өндірістік қоймалар, бақылау-өткізу пункті, қазандық және жанар-жағармай қоймасы толық дайындалған.

Кешеннің ресми ашылуы 2026 жылдың көктеміне жоспарланған. Жоба ішкі нарықты сапалы көкөніспен жыл бойы қамтамасыз етуге, жаңа жұмыс орындарын ашуға және Қазақстандағы агроөнеркәсіп саласын дамытуға үлкен үлес қосады.