Бүгін Түркістан облысында маңызды кездесу өтті, оның барысында облыс әкімі Нұралхан Оралбайұлы Көшеров шетелдік инвесторлармен бірлескен жобалардың келешегі мен мүмкіндіктерін талқылады. Келіссөздердің негізгі тақырыбы – аймаққа инвестициялар тарту және өндірістік әлеуетті арттыру болды. Нұралхан Оралбайұлы Көшеров өз сөзінде:

«Түркістан облысы қазіргі таңда Қазақстанның ең динамикалық дамып келе жатқан өңірлерінің бірі болып табылады және үлкен инвестициялық әрі туристік әлеуетке ие. Біздің өңір арқылы өтетін «Батыс Еуропа – Батыс Қытай» халықаралық көлік дәлізі әлемдік нарыққа шығу үшін жаңа мүмкіндіктер береді. Агроөнеркәсіптік кешеніміз елімізде көш бастап келеді, республикадағы жалпы өнім көлемінің 13%-ы біздің өңірде өндіріледі. Біз индустриалды аймақтар мен арнайы экономикалық аймақтарды белсенді дамытып, инвесторларға жеңілдетілген жағдайлар ұсынып отырмыз», – деді Нұралхан Оралбайұлы Көшеров.

Инвесторлар, өз кезегінде, Түркістан облысындағы ашықтық пен қолдауларға ризашылықтарын білдіріп, ауыл шаруашылығы және терең өңдеу салаларында жобаларды жүзеге асыруға дайын екендіктерін айтты. Алғашқы жобалардың бірі ауыл шаруашылығы қызметтерін ұсыну мен астық саудасымен айналысатын компанияның өңірде осы жылы жұмысын бастау жоспарымен таныстырылды.

Түркістан облысы бизнес пен инвесторлар үшін жаңа мүмкіндіктер ашып, белсенді дамуын жалғастыруда. Біз бұл кездесудің өңірдің өсуі мен гүлденуіне маңызды қадам болатынына сенімдіміз!